محبتنيش ... وفكرة اني من غيرك مش هقدر أعيش بقت متجيش دا كدبك جوا تبريرك واضح كإنه أفيش على الكورنيش محبتنيش ... برغم إني حبيتك لكن عمري م كفيتك فايتني برا باب بيتك وراضي تعيش ف دلفة نيش عشان تبقى ضد الكسر وتعصر ف قلبي أنا عصر وتشفي بيا ف جروحك وتروي كمان عطش روحك بتتفرج على الإنجاز مشاعري وهي ف استنفاز بكل هدوء وبإستفزاز شايفني من ازاز النيش بموت وإنت مصر تعيش محبتنيش ... وفكرة إني هروح ومجيش مجتش ف يوم على بالك فاكرني لسة بقيالك؟! خلاص بح وخلص ومفيش قفلت الشيش محبتنيش ... #الشاعرة_هبة_حلاوة
