الاسم : محمد ابراهيم احمد
المحافظة : اسيوط
رقم التليفون : 01028446670
.
#محمد_ابراهيم_احمد
#زَواج_القاصِرات
الصورة حِلوةَ .. جَنه فـ البِرواز
السِلعَة جَاهزة ،، تشترى يا اسٌتاذ ؟؟؟
خُدها وحِسابك خَلى فيه بَعدين
او هات زيادة .. وخُد عَليها اتنين
اوبشن زيادة فيها مٌتَكامل
قيمةَ وجَمال والدين دا شىء كامل
والسٌمعةَ جاهزة تعاين المَكتوب
عَروستنا جَنة .. خَالية مـ المَعيوب
ولا البَراءة يَعنى تطمن
البنت اصلا لسة فـ الاول
وَردة بَساطة عايشة فـ البُستان
اكبر طموحها تشترى الفُستان
لحظة زَعَلها سَهل تِرضيها
شوف اى لعبة عشان تنَسيها
اما الدِراسة وكلمة التَعليم
البنت اصلا ماشية بـ شهادة
صَف ابتدائى ” الاولىَ ” 6 سنين
جاهزة لـ اى قراية وكتابة
عَروستنا كاملة ..
عَروستنا كاملة ما فيها شىء مَنقوص
تقدر تسد فـ اى اى جواز
البَشرةَ حِلوةَ ،، وشَعرَها مقصوص
انا لو مكانك … ،، اشترى يـ اسٌتاذ ..
* * *
الحِكمة ..
الحِكـــمـــــة ..
الحِكمة قَلبت نَفسها لـ مَادة
راعى القلوب فـ بَلدنا مات فـ الحَرب
كُل اللى شَاف ظُلم بـ عِنيه وعَدا
ابسط جَزاء يترد ليه ،، الضرب !!
…………………
