ط
الشعر والأدب

نظرية الشاي ..قصيدة للشاعر / محمود ربيع

……………………………..
وحيرتي الخوارزمي يابنت الإيه
وغيرتي قوانين الحساب والجبر
وألفتي قانون في الحب بالأرقام
وحاصل ضرب جوز في الفرد يبقي بكام؟!
حسبتي الحسبه ع الهامش
وسبتي السطر
وغيرتي قوانين الحساب والجبر
قالتلي اتنين ضربناهم
في واحد يبقي ناتج إيه ؟
فقلت إتنين
قالتلي إزاي يانور العين ؟!
ضربنا إتنين في بيت واحد
مع الأشواق بقم واحد
جمعنا في الهوي قلبين
فحاصل جمعهم واحد
انا وانت وقسمتنا
وزائد عشرتي وياك
بقينا في الهوي واحد
وقسمتنا نكون مع بعض
مش علي بعض ليه وإزاي ؟!
انا بحسبها في المطبخ
وانا بعمل بإيدي الشاي.
فقلتلها
براڤو يا أغلي ما ليا
دماغك عالية من ريحة الملوخيه
من اليوم ده
قانون الإحصا يتغير بدقة هون
وهنخلل قانون الطفو في الزيتون
وهنخلي الصعيد يسكن في ماليزيا
خطوط العرض هندخلها في الفيزيا
وهنألف كتاب للنحو بالينسون
قانون الشاي
هيقلب علم شامبليون
وقلتلها الخوارزمي ده فاته كتير
حساباته من اليوم ده
هيلزمها اكيد تغيير
قالتلي يا عم صدقني
ده كان حقه يبيع جرجير😂
…………………..
محمود ربيع

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى