ط
الشعر والأدب

قصيدة : مسافر بأحلامى .للشاعر / بكر بسيونى

_____ ( مسافر بأحلامي ) ______

إفرد قلوعك ي مراكبي

و خدني للبر التاني

الشمس ف الشرق تنادي

و انا بأحلامي مسافر

لبكره .. للحلم الوردي

إفرد قلوعك ي مراكبي

و خدني للبر التاني

دي حبيبتي قاعده بتستني

وحشها حضني ووحشاني

و مركبك هي وسيلتي

أمانه ما تسبنيش وحدي

دا انا م الفراق بيدوب قلبي

و حبيبتي ف البر التاني

إفرد قلوعك ي مراكبي

بيكفي غربه زاد وجدي

و من دمع شوقي دأب خدي

أمانه خدني و عديني

دا انا روحي ف البر التاني

إفرد قلوعك ي مراكبي

دي الريح مسافره بأحلامي

……………………………………………..

مع وافر تحياتي للجميع

من ديوان / مواويل مصرية

بكر بسيوني

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى