قصيدة المسابقه (العاميه)
احساسك ايه..؟
وأنت بتجرح كل يوم
وأنت بتدبح شوقي لوم
إحساسك ايه
……………..
اللي بينا مش كلام
اللى بينا قصة حلوة
ليه بتنهيها بخصام
لو ف قلبك حد تاني
مستحيل يدّيك حناني
حتى لو داب ف الغرام
بس قولي بعت ليه..؟
إحساسك إيه؟
……………….
إحساسك إيه..؟
وأنت ظالم قلب حبك
كل يوم يتمنى قربك
لو نويت ع الهجر قول
مش حاعاتبك او حاقول
اني بترجاك تفكر
قبل ما تبعد وتهجر
بس قولي بعت ليه.؟
إحساسك إيه
وأنت بتجرح كل يوم
وأنت بتدبح شوقي لوم
إحساسك ايه
محمود عبد الرحمن
