ط
الشعر والأدب

أيه حكايتك معايا؟…بقلم / خالد الشاعر

خالد الشاعر
==========
أحكى …. قولى …..عبرى
سهرانه ليه بتفكرى
شايله هموم الكون
و أنا مين أكون
علشان حبيبتى أشغلك
تفتكرى أنك تقدرى
عنى فيوم تبعدى
أتأكدى
من حب ساكن القلوب
من نبضه بتنادى يادوب
على أسمك …….
والقلب مسكون برسمك
وليا ليه بتحيرى
سهران وباصص للسما
شايفك قمر
ونجوم بتسأل بعضها
ماله الجدع؟
بتعدى عرافه وماسكه
ف الودع
ارمى بياضك يا جدع
ويلا وشوش الودع
ولقيت رساله من السما
نزل المطر……
ولقيت عيونى فتحت
وصحيت على نغمات
العمر فات …….
ساعات كتير الإنتظار
بيكون حياه لحلم مات
أو حلم جاى……
لساكى برضه حتسهرى؟

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى