قفص العصافير
*********
قفص العصافير ملهوش غير باب
ولكنه عليه مليون بواب
شايلين نبابيت معجونه ف زيت
مخلوط بدموع قلب الأحباب
فازاى هتطير منه العصافير
وتعيش أحرار فوق أعلى سحاب
وازاى هيصير ف الكون تغير
والشر.. بمليون ضرس وناب
قفص العصافير سٍجن وسجان
وحيطان بعيون لكن عٍميان
مش قادرة تشوف مين اللى اتهان
ولا حاسه بمين عايشين أغراب
فازاى هتدوق عصافيرنا الزاد
وتغرد فوق شجر اللبلاب
ف زمان مافيهوش غير الأوغاد
وحدادى مايملا عيونها تراب
قفص العصافير مليان غربان
وعليه سجان زى التعبان
مش راضى يفوتها تعيش ف أمان
وأمانه لطيرنا الحُر عذاب
قلب العصافير من مدة حزين
ودموعه سيول فوق الخدين
بيقول فين روحتي يا فلسطين
ولإمتى هيبقى ….الحلم سراب
حلم العصافير م السجن تطير
وترفرف فوق أسراب العير
وتقول للديب فيه رب كبير
قادر يفتح …..كل الأبواب
************************
