ط
مسابقة الشعر العامى

قصيدة : انا مش زعلان . مسابقة الشعر العامي بقلم / احمد محمد محمود

الاسم /احمد محمد محمود
المجال/شاعر بالعاميه
تليفون/01157120397
الفيس/ https://www.facebook.com/ana.mezo.3979489?mibextid=ZbWKwL
العنوان /مطار امبابه الجيزه
قصيده/ (انا مش زعلان)

انا مش زعلان
انا عندى ايمان
ان حياتنا احسن ف البعد
وان وجودك بقى مش ولابد
وان التفكير فيكى بيوجعنى
وانك اكتر حد خدعنى
اهى قصة كدب وعيشناها
الفنا الكدبه وصدقناها
دلوقتى بفتكر الماضى
وبقول راضى
منا ليه صدقت من الاول
ان المليان يدى الفاضى
وان الشبعان من حبى يموت
لو شافنى او عدا قصادى
علشان قرر بس يسيبنى
ما الأيد بتبت فى السايب
وتسيب اللى متبت فيها
والروح تتعلق بالغايب
وبتنسى اللى قريب منها
اهو الموضوع بان دلوقتى
وانا كنت بضيع من وقتى
انا خونتك بس انتى بداتى
منا كنت وسيم وجميل وبميل
كنت انا ضهرك وقت وقوعك
كنت المنديل وقت دموعك
كنت المرسى فى دنياكى
الاول كنتى بتتمنى انى ابقى معاكى
كان حلمك بيا بيوصلنى
قلمك كان جامد وكسرنى
بين فيا نقط ضعفى
بس انا غلطان
مش كل بيبان مفتوحه ندخلها
ولا سهل الكلمه الحلوه نقولها
فى ناس زيى دخلوا ف علاقات
دلوقتي اهى عايشه بطولها
الصراحه الدنيا صعبه
وانى من غيرهم بعافر
نعمل ايه من حب ناس
قلبهم كان قلب كافر
نبكى ليه ونعيد وجعنا
نشكى ليه من حد باعنا
نشرح القسوه بطيابه
اللى عاش يخلص ويدى
كان كفيف ومكنش شايف
كان تملى قلبه خايف
انه يصبح يوم بدونها
ادى واتعشم زيادة
كان لابد فى يوم يخونها
ضربتك ليا اذتنى
خوفت من خوفى ابقى وحدى
فجأة كل الناس سابتنى
واتبقيت انا ليا وحدى…

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى