الشعر والأدب

الشكمجية ….. قصيدة للشاعر / اسامه صبحي محمد عفيفي

…….. اسامه صبحى
في يوم كده قاعد بفكر في اللي فات
مديت ايديه سحبني وجع الذكرات
ايام جميله وعشتها
وايام كوتني بجرحها
وبين ضحكه دمعايه
لقيت صورتي علي مرايه
اتريها وش الشكمجيه
من غير كلام وبكل لهفه فتحتها
رجعت ليوم كان الكلام نغزه شفيفي في خدها
طلعت ورقه باسمها
ورسمه منها سرقتها
وحته من ثوب الحرير
اصل المصير
معرفش كان فين وقتها
الورد لسه بنفسجيه
محطوطه جوه الشكمجيه
والدبلتين المنقوشين
حرفي بيحضن حرفها
نزلت في ثانيه الدمعتين
ما كنت بشوقي محتاج لها
وعرفتها
وفهمتها
وجوا قلبي رسمتها
حتي الخطاوي كانت بتحضن طلها
فجاه لقيت صوره بفستان الفرح
وجعني قلبي اللي انجرح
صرخه بعاد
زمن العناد
حبيبتي لسه الشهرزاد
بصيت في طهر الصوره لقيت ارقام
في ثانيه حدفني الشوق اتصلت اوام
الو
الو
مين معايا
سكت اللسان واتخنق الكلام جوايا
هترد ولا
قفلت بسرعه وكانها نسيتني
مش هيه ديه اللي فيوم حبتني
رجعت حاجتي وحسره كانت مداريه
واللي بقيلي
قصه لقا
ولحظه وداع
واربع حيطان والاسم ايه الشكمجيه
( شهرزاد والحب وانا)
اسامه صبحي محمد عفيفي
25/8/2014

Facebook Comments Box

فتحى الحصرى

فتحى الحصرى .كاتب ومصور وصحفى عمل لأكثر من ربع قرن بالمجلات اللبنانية الشبكة وألوان ونادين . صاحب دار همسة للنشر والتوزيع .وصاحب موقع مجلة همسة ورئيس ومؤسس مهرجان همسة للآداب والفنون

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
Secured By miniOrange