ط
مسابقات همسه

القصيدة الفائزة بالمركز الثالث لشعر الدويتو (عامى* للشاعر محمود وحيد من مصر

******************
“”””” أب وشهيد”””””
الأب” على فين يا ولدى
اقعد شوية
الابن معلهش يابا شئ
مش بايديـا
الأب يا ولدى قليى
مقبوض وخايف
والموت يا ولدى
أعمى وما شايف
ما بلاش يا ولدى
السكة ديا
الإبن يا ابا دى مصر
والروح فداها
نادت وأنا
لبيت نداهـــا
سرقوها منا
وباعونا فيها
مصر الحبيبة
أغلى ما ليا
الأب طب خد بإيدى
هاروح معاك
الإبن معلهش يابا
دا كتير هناك
بس إنت صلى
وإدعى يا ابويا
إنى أقابل
فى الجنة اخويا
سامحنى يا ابا
ما تلوم عليا
ساعة وقالوله ابنك اصيب بطلقة ونقل الى المستشفى وأخذوه هناك وكان هذا الحوار

“”الأب”” مش قولتلك
هتموت يا ولدى
دول غدارين
“”الإبن “””
معلهش يابا
مش بالإيدين
كفنى يابا
بعلم بلادى
واكتب بدمى
رايحين لفين
انا واللى قبلى
ضحينا ليها
للمولى موتنا
موحدين
بلغ سلامى
لتراب بلدنا
واحكى الحكاية
لاولاد ولادنا
وان جيتنى يوم
هاتلى علمها
احضن براءته
وطيبة جدودنا
…………………

 

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange