ط
مسابقات همسه

القصيدة الفائزة بالمركز الثانى لشعر الدويتو (عامى) للشاعر محمد رويشد من مصر

حزين خدي )
صحيت من نومي
صحاني أنين خدي أنين مجروح
ودمعة سايلة من عيني على خدي
بتتألم بصوت مبحوح
صرخت وقلت يا عيني .. وليه تجري
وليه تبكي على خدي
نداني الخد من صمته
أنا اللي مرة يبوسوني
ومرة لطمة تدميني
ولو غضبوا على صحبي
وهان الود يدوسوني
انا المتهان وأنا اللي برضه متهني
وأنا اللي بت اتحمل
إيدين اللي في حضنه حبيب
وإيد اللي يبات مجروح
….
وقلت يا خدي ياااااااه دا انته
صبرت كتير
فرد عليا وهمسلي
تبات سهران تناجي حبيبك الغالي
وأبات دبلان
يغطيني ستار أسود
ولما الناس يشوفوني تخبيني
ويجري الدم في عروقي
يقولوا عليك .. بأنك إيه ! بتسحيي
أموت مخنوق .. وأنته يا عم مستحيي
ومستكتر عليا الدمعة من عينك تواسيني
وتجري فوقي تحضني وترسملي أخاديدي
حرام ولا حلال اللي بيجرالي تملي معاك ؟
بتجبرني أبان مبسوط
وأخدع اللي قدامك
وتجبرني على الأحزان
عشان ترضي اللي قدامك
أنا خدك وصرت مداس
منين ما تروح
….
ولما نمت متهني
كتمت عليا أنفاسي
ناديت عينك وأنا مخنوق
ومش قادر أموت فيا إحساسي
فحنت عينك القاسية بدمعتها
وسابتها تواسيني
لقيتك زي ما اتعودت
من نومك تقوم مفزوع
بتلعن عينك الناسية
وتمسح دمعتك سالت على خدك
وتبعتلي ايدين قاسية تغطيني
نسيت اني انا خدك
تنام هاني وانام مجروح625603_248565101956086_1750428314_n(1)

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange