ط
مسابقة الشعر العامى

قصيدة : وبقينا نخاف . مسابقة الشعر العامى بقلم / محمد الروبى

الاسم محمد حلمى حسين على الروبى
الشهره محمد الروبى
رقم الهاتف والواتس 01280165757
رابط الفيس https://www.facebook.com/rby.sat/?viewas=100000686899395
شعر العاميه قصيدة بقينا نخاف
وبقينا نخاف
من ضل مسابق خطاوينا
من دمعه بتحرق ف عنينا
من كدبه كبيره اسمها احلام
نحلمها تعود تحلم بينا
من ضحكه بتضحك عالفاضى
من كدب ضمير عامل قاضى
من غصب بيغصب ويراضى
من جرى الايام حوالينا
من سكته بنسكت تتكلم
من نظره بتطلع تتألم
من جرح بيجرح ويعلم
من فرح نعيشه يبكينا
وبقينا نعد ف انفاسنا
ونخاف ماتكونش على مقاسنا
قطر الايام عدى وداسنا
والجاى ف العمر ماهوش لينا
ونودع واحنا بنتودع
ونطبطب واحنا بنتوجع
والخطوه بنمشيها بترجع
وان جينا نحوشها تخطينا
محمد الروبى

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى