باب السما
………….
ارسم علي باب السما
شجرة وضلاية
واحلم اعيش الهنا
في ضل قمراية
واسهر اناجي الليل
مشتاق لنجماية
ترسم خطاوي النور
خطوة وراها ميل
وقلبي لو ينكوي
يردد المواويل
قلبي عليك انفطر
ياحلم متغني
في قلب ليل الضنا
ويلي علي حالي
ارسم نجوم في السما
تمسحها استيكة
في ايد صبي بيمتحن
لاشاف ولاذاكر
واعود اناجي الليل
اقطف في ورداية
ياتري يا هلتري
فاكر غناوينا
والا انت ناسي بقي
ايام مآسينا
دوبنا ورا الأيام
يامين يواسينا
…………….
الأميرأباظة
Facebook Comments Box
