النضج حالة مرعبة حتعيشها لما تبتدي
تقدر تعيش حالة تخلي عن حاجات بتحبها
تخلق شعورك بالتجاهل
تقتل فضولك و الحنين
لردود آلاف الأسئلة فكرت ياما ف ردها
تفقد شعور الاهتمام بالمعرفة
عن مين معاك
او مين محاربك ف الخفا
او حتى مين وقته انتهي
و ساعتها تبقى ف وحدتك
مرتاح اوي ولا يتعبك
الناس تقرب …… تبتعد
لو حتى بعدت كلها
و تلاقي حالة م السلام الداخلي اتحكمت
ف ميزان حياتك
تختلف حالة شعورك بعدها
الرعب ييجي لما تلقى انك بقيت
ف الدنيا حد غريب اوي
ذاتك تهيم ف الكون و طايرة لوحدها
بتعيش بتفكير مختلف
لكن سعيد ….. و حتِكتِفي
انك لقيت جواك صديق فاهم مخاوفك كلها
و ساعتها بس حتِكتِشف
انك زهقت من البشر
وان انت عايش دنيتك
و الناس ف دنيا لوحدها
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
