******** أنتي فاكره إني ناسي ؟ قلبي مشتاقلك كتير قلبي دايم بحر هايم زى مركب راح و راجع و الطريق صعب و خطير كل ما الم القلوع أبقي خايف موجة تعلى و القلوع مني تضيع فيه سؤال بين عيونك و ف جفونك سيل دموع و الطريق اللي وخدنا مش معلوم حتى المصير بس السؤال اللي ف عيونك فيه عليه موجود جواب و الجواب مشتاق إليكي روحي فيكي و ف أيديكي قلب زى ما يكون أسير برجع احلم بيكي تاني و ف ثواني فوق بطير ارسمك عند السحاب عند النجوم اللي قدرها تعيش حياتها عالية فوق و إن سألتي مرة عنها هتلاقي هناك الجواب حلمي بيكي زي نجمة ف السما بحكم القدر اسألي ليه الشمس طالعة و ف الليالي يكون قمر اسألي كل الجبال اسألي حتى البحار لمّا بركان تحت ميه انفجر اسألي ..... يمكن تلاقي فيه جواب تحت ميه و جوه نار *************** بقلم / رمضان العلالقة
