ط
مسابقات همسهمسابقة الشعر

حوا المصريه .مسابقة العامية للشاعر مجدى عز الدين من مصر

( حوا المصريه ) اشعار أ / مجدى عزالدين ( بالعاميه )

حوا المصريه
دورى يا كاميرا و صورى *** ورى العالم ديه
جواء مصر أهيه *** هانم وبسيطة وعاديه
ام الثورة المصريه *** جيوكندا الحب الوطنيه
أروع حوا فى العالم *** خلقها المولى ذكيه
استاذه امومه *** حنية وتربيه
أجمل ما فيها هيه *** فى أى عمر عفيه
دوله اسرة مصغرة *** والقيادة هيه

مهما تزيد الهموم *** هيه الست العبقريه
عامله حساب الزمن أيام *** عجاف رايحه جايه
حياتنا بتمشى بيها *** رغم الظروف العصيه
نار الشقى فى ايديها *** تقدم الأكل والميه
بإيديها الدفه والمجداف *** طوق النجاه هيه
ضعفها سر عز نفس **** وخزاين حس قويه
سر جمالها الروح *** لباب القلب تروح
وتفك شفرة آدم **** يروح الباب مفتوح

بتمنعها الأعالى *** تقاليد شرقيه
الست ليها البيت *** أما الراجل أولويه
له يعمل ما بداله *** هو الكفء والنقديه
اما هى متحديه **** كل ازمان العبوديه
واسطورة جوارى *** قضبان حديديه
بتبدد فكر بالى *** وغرور مذكر نوعيه
وهى بدافع بفقه *** دينها شرع وشرعيه
وهتنول حق المساواه *** رغم موروث النظريه
من غير لوم يا آدم **** اهتم بحوا شويه

كل طرح الغيطان *** عاشق فيها المراعيه
كل طلعه صبح باست **** ايديها المحنيه
بطين الزرع المروى **** بعرق يصب ومحْنيه
الله عليكى نواره **** زرع فلاحه مصريه
ستات مصر اهيه **** من ديه لحد ديه
عد الخمسين فى الميه **** كلهن اجمل هديه

يا كاميرا دايراه تصورى *** والعالم محنى تحيه
لدور الستات الكفء *** والفتيات الفتيه
صبر وسبات وعزيمه **** انكار ذات وجنديه
همه وروح معنويه **** من أجل الوطن حريه

دورى يا كاميرا وطنيه *** عيونك عيون فنان
شايفه الوطن فى الكيان *** فى الشرايين والوجدان
يا كاميرا صورى وافخرى **** بأم الثوار الجدعان
خنساء مصر ولا كل فرسان العصر الشجعان

فيها الحس السادس قلب **** ردار يكشف اخطار
رغم الضباب والسراب *** سبقت مجهول غدار
داست تجار المحن *** عك ولك ليل ونهار
صرخت انتباه يا وطن *** انتباه يا شعب الثوار
انتباه لحرب الفتن *** جيل رابع مكار
بالفوضى يقسم وطن **** عايزه دايما فى انهيار
وكيله فى السر اتعلن *** ارهاب وبارود ونار

وعيك يا حوا مصريه *** توعيه تصد العدوان
وعيك وعى الام صادق **** من غير استئذان
هيلاقى عقول وقلب *** ولادك فاتحه البيبان
لوعى دورك امان *** يحذر من عدو جبان

يا أم الخطاوى للامام *** للعلياء للعمران
ياست العصر يا حوا مصر *** تاجك تاج الزمان
بنحييكى من الآن *** على عرش الأوان
ملكه وملاك لأجمل تاج **** تاج الوطن والوطنيه
دورى يا كاميرا وصورى ***** ورى العالم ديه

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange