ط
الشعر والأدب

قصيدة :يا صباح الخير علي فلاحنا . للشاعر / رضا أبو الغيط

يا صباح الخير علي فلاحنا

ياصباح الخير

أبو قلب كبير ومفرحنا

دايما بالخير

يا صباح الخير علي فلاحنا

ياصباح الخير

فلاح وبيزرع ف غيطانه

قمحه اللي مسنبل علشانه

وف قلبه ……حبه لأوطانه

والناس والطير

يا صباح الخير علي فلاحنا

يا صباح الخير

م الفجر اهو واقف مستني

يتحني من خيرها الطارح

ف مطارح….. بتحب تهني

فلاح بضمير

يا صباح الخير علي فلاحنا

يا صباح الخير

فوق كتفه.. فاسه بتتمايل

فرحانه….. بالطرح الهايل

وجدايل م الفرحه الطارحة

لأبو قلب كبير

يا صباح الخير علي فلاحنا

يا صباح الخير

فوق خده الشمس بتتباها

بالقمح الواصل لسماها

وتقوله الهمة الله يعينك

يا جميل وأمير

يا صباح الخير علي فلاحنا

يا صباح الخير

فلاح وكريم ….الله يزيده

فرحان بالقمح ف يوم عيده

وبإيده .. بيفرق زرعه

مع أهل الخير

ياصباح الخير علي فلاحنا

يا صباح الخير

*******************”*****

رضا أبو الغيط

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى