ط
مسابقة الشعر

خاص للمسابقة العامية..(( حكاية من شارعنا ..)) للشاعر / عونى هشام

خاص للمسابقة..(( حكاية من شارعنا ..))
============= بقلم عونى هشام 
امسك حلق
روح ما تجيش

ساكن فى شارعنا
ضابط وشاويش

انت تقولى
طب وانا اقولك
اصل صاحبنا
راجل فى الجيش

ده طول عمرة
راجل دوغرى
العيبة منه
صحيح ما تجيش

اما شاوشنا
ده راجل شرطة
طول الليل
سهران ما يجيش

فى الدورية
وللحرامية
عينه ما تغفل
ولا يجريش

طول الليل
وسلاحة فى ايده
ولا بيخاف من التهويش

قابله عطية
وام صفية
طالعين بدرى
يروحوا السوق

اتمشى معاهم
قام وصلهم
كانوا رايحين
على فرن العيش

لقى حرامية
ماسكة وليه
ونازلين فيها
ضرب وتلطيش

لما شافوه
قام واحد يجرى
ومسك واحد
واسمة عليش

جات سيارة
وكان فيها ضابط
اتارى الضابط
كان م الجيش

هو اخونا
وابن شارعنا
واحنا معاه
دايما بنعيش

حط اللص
فى العربية
اوام على القسم
وقابله شاويش

حكى للضابط
حرر محضر
اوام اوام
عمله الفيش

اما شاوشنا
التانى مكانه
ودى كات قصة
مش تهويش

اصل المصرى
عمرة حكاية
كله شهامة
وزية مفيش

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى