————–
صباح الخير يا بلادى
صباح الخير يا مصر
صباح الحب يا ولادى
صباح العزة والفخر
صباح النصر يا بلادى
صباح الخير يا مصر
صباح بلون شمسك
وسماكى
وعطر فجرك وضياكى
صباح الورد على نيلك
على شطك وقناديلك
صباح النور على جبينك
على غيطانك وعلى طيرك
وفى موالى بناديلك
والله وفى قرانى بدعيلك
على فجرك واناجيلك
صباح الخير على جبينك
صباح الخير يا مصر
صباح الخير على صناعك
على مكنك وعمالك
صباح الخير على غيطانك
صباح الايد الشغالة
صباح الهمة يا رجالة
صباح الخير على ولادك اللى فى المدارس
اللى فى الجامعة واللى دارس
و اللى على ارضك وحدودك يا بلادى حارس
صباحك وردى ونادى
صباح الفل يا بلادى
صباح الخير يا مصر
كلمات / مصطفى احمد
