ط
الشعر والأدب

رفضت تكون الأم /قصيدة بقلم محمد حسن عبد العليم

قالوا زمان أختار رفيقة عمر لأولادك

وأوعاك في مرة تنحني أو ينحني فؤادك

أختار رفيقة وأم وعيون كده صاحية

وجدار في قلب البيت ساتر في أوجاعك

قالوا زمان إختار وأنا اللي ما سمعتش

عدت سنين وعرفت وأتاريني ما عرفتش

أخترت واحدة غلط كانت في سوء حظي

عاشت معايا سنين لعيوبها ما شوفتش

قتلت في روحها الحلم وأستمتعت بيا

كان كل متعتها الحزن في عينيا

وإن مرة قلت الآه تضحك بصوت عالي

وإن مرة قلت اللأ تبقى لي ملوية

قتلت بإيدها الأبن زرعت في قلبي الهم

قتلت بإيدها الروح في حشاها كتلة دم

مات إبني جواها وأنا السبب لما

أخترت له واحدة رفضت تكون الأم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange