ساعة وساعة للشاعر محمود وحيد
^^^^^^^^^^^^
ساعات اضحك على حالــــــــى
وحال الناس يبكبنـــــــــــى
وساعة دموعى تحلالــــــــــــى
فتخزلنى دموع عينـــــــــى
**********************
ساعات اسرح فما ارجعشــــــى
ولما ارجع اروح تانــــــــى
وساعة اندهنى ما اسمعشى
والاقى الرد إنسانــــــى
********************
ساعات تانى اشوفنى بعيد
اقرب منى فاتبعتـــــــــر
اجرب فى اللقا واعيــــــــــد
الاقينى بعدت اكتـــــــر
*******************
ساعات أسألنى عن روحى
الاقى روحى تسألنى
وانادى نفسى ما تروحــى
ترد يا عم ما تسيبنى
*******************
ساعات وساعات ومش فاكر
وطول وقتى بافكــــرنى
واراجع قلبى لو فاكــــــــــــر
ساعة ما انسى يفكرنى
