الشعر والأدب

ســــوء الفـــهم…قصيدة للشاعر / على مدكور

على مدكور

مش باستعدى عليك إحساسى
ولا باستجدى عواطفك ليا
لا انت عدوى ولا انت حبيبى
لكن صاحبى وملو عنيا
حس كلامى وخف ملامى
وافهم . قلبى مش ف ايديا

والقلب مايعرفش يسيطر
على حب يعشش ف كيانه
لكن بالعقل اكيد نقدر
نحفظ اركانه وبنيانه
وانت ف قلبى صديق مش اكتر
ياللى خيالك مش ف مكانه

قول لعواطفك تاخد جانب
انا مش حابب يوم تعادينى
حافظ فرضى وصاين عرضى
وانت ياصاحبى ملاك يحمينى
لو حسستك شىء مش فيا
اغفر ليا ياتاج لجبينى

سوء الفهم كتير ف حياتى
بسبب نهر الحب ف شعرى
وانا باتنفس طول اوقاتى
كلمه تفلتر نسمه لعمرى
يعنى أنشف نهر مشاعرى ؟
والا لصمتى أسلم أمرى ؟؟؟

Facebook Comments Box

فتحى الحصرى

فتحى الحصرى .كاتب ومصور وصحفى عمل لأكثر من ربع قرن بالمجلات اللبنانية الشبكة وألوان ونادين . صاحب دار همسة للنشر والتوزيع .وصاحب موقع مجلة همسة ورئيس ومؤسس مهرجان همسة للآداب والفنون

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
Secured By miniOrange