ط
مسابقات همسهمسابقة الشعر

ضاع النغم مـ الوتر.مسابقة العامية.للشاعر / ابراهيم خليل ابراهيم من مصر

ضاع النغم مـ الوتر
والوش جننى
والفن حاله اتعوج
وانا لسة مستنى
تعالى عيد فننا
يا عندليب غنى
يا مسك أهل النغم
يا كف متحنى
هاجرت طيور الهوى
ما اعرفشى راحت فين
كل الأصيل اغترب
وتاهت العناوين
كل اللى فاضل نشاز
قاعد على الصفين
زى الردئ الهزيل
عايم على الميا
أما التقيل الأصيل
ساكن فـي عمق الطين
يا عندليب النغم
شوف الطرب مالُهْ
دا حاله أصبح عدم
تعالى شوف حاله
صار النغم درَبُكهْ
فى كل أحوالُه
الكل غاوى غُنا
فرحان بمواله
والحظ لو يخدمه
يبقى النقيب خالُه
تمشى الأمور والسكك
تِسلك وتحلى له
يا عندليب النغم …
فن السمع مظلوم
والعين فـ عصر الصور
زادهت همومها هموم
إزاى هـ نسمع كوّيس
والصورة فسدانة
يا عندليب النغم
سيرتك خلود فـ خلود
فنك برغم السفر
فوق الجميع موجود
والغصن مهما دبل
يفضل عبيره يجود
والتوبة فيها الشفا
زى الهوى وموعود
الفن فين يا حُلم ..؟
عمر اللى راح ميعود ؟!

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى