ط
الشعر والأدب

عاشق ترابها..للشاعر / على فرج

على فراج
عاشق ترابها *

ــــــــــــــــــــ
بعشق ترابها ،
الله عليها *
ومش كتير ابدا عليها ،
نبيع حياتنا ونشتريها .
هو إحنا بنلقى روحنا ،
إلا فيها ؟
ولا بنداوي جروحنا ،
إلا بيها ؟
عمري ما اشتقت الا ليها ..
م احنا أول م اتولدنا لقينا
روحنا جوه روحنا ،
بتناجيها .. 
دوبنا فيها .
مهما نتغرب ونبعد ، 
جوه في القلب نلاقيها .
نِحِّن ليها ،
ونشتهي لمسة ايديها ،
ولّا بوسه ما بين عينيها ،
واما نحلم ،،،
حلمنا بيحلو بيها .
واما نرجع تاني ليها ،،،
تبقى مدّلنا إيديها ،
نجري ونسلم عليها ،
نبوس ايديها ،
نلتقيها ،، 
عايزه تحضنّا بعنيها ،
الله عليها * ،،،،،،،،
وربنا ما كتير عليها ،
نبيع حياتنا ونشتريها ،
أصل انا معرفش اغني ،
إلا ليها .
لما بفرح ،
يبقى بيها .
واما تذرف عينى دمعة ،
تبقى من خوفي عليها . 
ربنا يمتعني بيها ،
يارب ويحافظ عليها ،
وتبقى ليّا وابقى ليها ،

أوعوا حد يلومني فيها ،
أصل انا عاشق ترابها ،
وعمري كله وهبته ليها .
واما يبقى العمر يخلص ،،،
روحي برضه هتبقى فيها ……………. 
ـــــــــــــــــــــــــــــــ
عاشق ترابها / علي فرج

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange