……… رصي الوجع……
رصي الوجع
على كيفك
وافتلي منه
المشانق
واقفلي كل البيبان
وافتحي باب
الجحيم
كسري قلبي السليم
وادبحي الصبح
اللي جي
واحرقي كل الأماني
واكتبي لون
الاغاني
ضيعي روح الابتسام
بدلي شكل الملامح
وابدري عالسكه شوك
واحبسي كل الحمام
بعتري فوقنا الكلام
وارمي قلبي
في اي حته والسلام
هزي جرحي
وغربلي
لو لقيتي في مره
ضحكه
اقطفيها وشهلي
خلصي كل المرار
قلبي ماستطعمش مره
فرحه او طعم انتصار
شدي روحي
الجته بايشه
زى صبح مالوش نهار
خلصي يالا الحكايه
واختمي يالا
القرار
…………….
