ط
مسابقات همسهمسابقة الشعر

عريش الضو..مسابقة العامية للشاعر / يوسف الموساوى من المغرب

يوسف الموساوي
المغرب
خاص بمسابقة همسة
الشعر العامي

القصيدة بعنوان : عريش الضو

عريش الضو
ادخل ف روحي يا ساكن عروق الضو
اكتب بدموع حظك
وصية المغدور
ف بلاد مسكونة ب هوس الاحلام
و الزور
و ناس تجري ورا ضباب الشعاب
و البخور
اطرز ب خيوط زهرك
اللي ما هرس حجر
ما دبب حمل
لون الصباح اللي ما بغى يطل
رسم حروف الضحكة الغابرة
ف صدر التيلاد
و الشهقة الطالعة بين القطب و الجذر.
==
ادخل ف روحي يا ساكن عروق الضو
اكتب ب دموع حظك
وصية المغدور
ف زمان رجالو ذاب سلسولهم
ضلعة
ضلعة
و بدا ريقهم يحبو لكل جزرة
مرشوشة ب كميشة د الهدرة
يلعقو ما شاط من خير البلاد
بعد ما خرج من تحت يديهم جملة
رجع بال يسكت الاولاد
صدقة جارية للعباد
و ريكلام و غبره
ادخل ف روحي يا ساكن ضو النهار
اكتب ب دموع حظك
وصية المجروح
ب ريشة المحبة و الصبر
زوق قميص الخبز اللي ما وصل فران
ما شاف حرقة الجمر.
خلي البسمة تفتل
خيوط الريح
خلي الدمعة تسقي
قدام الورد و الشيح
خلي الامل يكبر
و حدوده تسيح
آه يا حلم..
ضاع بين دروب لاوية
ب خطوات لكساد
آه يا طوير
تنتفو جنحيه ف سواقات خاوية
و خطبات الاعياد
آه يا دنيا
ع اللي يتيق ف حفار قبره
و يعاود ليه السر
آه يا رمال
ع اللي يخوي ف عطشك فرحته
و يعطيك بالظهر

يا صاح…
الظهر حيط مكفن
ضلوعه سواري محزومة
جر خيط الساس تطيح
و ما تلقى ف كفك غير لعظومة
يا صاح ادخل ف روحي
ك ما دخلت ف عروق الضو
خليني نسافر مع نجوم الليل
و نكون فتيلة لكل قنديل
داوي جروحي
ازرعني نور الشمش
ف وجه الضو
و خليني أنا السما
أنا الشمش
أنا الجو

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange