مش كفاية انك تعيش =========== الحقيقة ف الحياة إنك تعيش مش نَفس طالع وخارج في الدجى لو حتى حالِك يبقى حَالك هو حَالك والقضيَ فوق احتمالك يبقى صوتك نبض موتك والكلام أصل لسكوتك مش كفاية انك تعيش ذي صورة ع الأفيش الحقيقة ف الحياة إنك تغني تلضم الاحلام بنفحة م التمني وبوجودك شد عودك نغًمُه لحن لخلودك عَلًمه يحلم معاك يبقى نجمه من سماك يبقى ضلك يبقى كُلك يبقى صاحبك لو هداك مش كفاية انك تعيش ذي صورة ع الأفيش الحقيقه ف الحياه انك تكون قلب نابض ف السكون حلم بيدوب ف الحياه تبقى عشقه ومنتهاه تبقي راسم نور لبكرة والخطاوي تبقى ذكرى تبقي فكرة تحمل الاحلام لبكرة مش كفاية إنك تعيش ذي صورة ع الافيش ======================== علاء أبوذكري
