فصيدة : فين العالم فين . للشاعر / رضا أبو الغيط

بصوا وشوفوا بعين الرحمة

طفلي بيرقد فين

تحت الصخر وعضمه بيصرخ

من نار الخاينين

بيقول فين العالم ينظر

ويدقق بالعين

ويشوف كيف الظلم بيقتل

أطفال فلسطين

فين العالم فين

من طفل فلسطين؟

فين العالم فين

من دم فلسطين؟

مين هيقول الحق وينصف

أزهار الياسمين

ويشاور بإيديه ع الغاصب

أحلام الصامدين

مين هيقول للقاتل ارحل

وكفاية تدمير

عمر الشعب الحر مايركع

وان ماتوا الملايين

فين العالم فين

من طفل فلسطين

فين العالم فين

من دم فلسطين

يا أحرار العالم هموا

وانتم يا ثوار

قبل الأرض الطاهرة ماتصرخ

ف ايدين الأشرار

قبل ما طرح الأرض الخصبة

يتاكل بالنار

قبل ما رب الأقصى ما يسأل

ليه كنتم ساكتين؟

فين العالم فين

من طفل فلسطين؟

فين العالم فين

من دم فلسطين؟

يا أرض الأجداد هتعودي

بإيدين الأبطال

وهناخد حقك م الخونة

وحقوق الأطفال

وعشانك هنصون أركانك

من كل الأندال

وافراحك ترجع من تاني

زي ايام حطين

فين العالم فين

من طفل فلسطين؟

فين العالم فين

من دم فلسطين؟