الشعر والأدب

قصيدة : أمى أنا . للشاعر محمد يونس

امى انا

امى ياللى حبنا ليكى

فى الدم زى العبادة

فرض وفريضة

زاد شوقنا وفرحنا

لانك فى جنة ربنا

العريضة

دة كان مليون

سور وسور

بينك وبين الكلمة

القبيحة المريضة

يا ام النظرة الحنونة

والكلمة الطيبة

المريحة

ياروابى الادب

الدنيا من غيرك

لا طعم ولا لون

ولا ريحة

قربك جنة.بعدك نار

حياتى من غيرك

مرار

لا بنت ولا ست

يعوضنى حنانك

يادنيتنا المليحة

من بعدك.دى تبقى

دنيا الفنا

امى انا ..امى انا

حبك فى قلوبنا

من مليون سنا

مولود انا بية

ومش ناسية

ياروح الروح

والهنا

امى انا..امى انا

عشت حياتى

انا واخواتى

حتى مماتى

علمتينا اية يعنى

كلمة ضنا

امى انا..امى انا

يانبض الفؤاد

بقربك حياتى بياض

لا مش سواد

فى حضنك فرح

وسرور ورب غفور

يا كل الغنى

امى انا..امى انا

مين بعدك مين

ياضى العين

يرعانى مين

ياللى عمرك ماقولتى

كلمة انا

امى انا..امى انا

امى ياهدية من السما

يانور القلب

يانار تحرق اللى يقرب

منى انا

امى انا..امى انا

سنة وقران.رحمة وحنان

من الرحمن

وصانى عليكى

تحت رجليكى

جنة رضوان

انتى هناك.وانا هنا

امى انا..امى انا

لايوم قولتى مافيش

ولا عايزة ياميش

وكفاية ملح وعيش

شايف صبرك

من وانا

امى انا..امى انا

ياصبر جمال

ياحمل جبال

تمشى

على الحبال

تفوت فى النار

تخطى القنا

تبيع عمرها

علشانى انا

امى انا..امى انا

لايوم على راجل

بيتك

صوتك على

ياشمعة

فى هندامك وزيك

مشتاقلك

نفسى اخدك

قى حضنى واقولك

ازيك

دة مين دة

اللى كان يوم

زيك

لافى بيتك

ولا فى حق جوزك

يوم كونتى

بتهملى

فين اللى زيك فين

يانور القلب والعين

الصح.والصح بس

كونتى بتقولى

وتعملى

يامنايا وكل المنى

امى انا..امى انا

يابختك يابا

ربحت من الدنيا

اصل وجمال

وطيابا

واخترتلى من بين

الرجال خال

رجولة وادب

الله علية وعليكى

وعلى الجمال

اية تانى يتقال

امى

يا اجمل موال

ياهدية من ربنا

هى دى..هى دى

امى انا..امى انا

بقلمى

محمد يونس

الوسوم

همسه

همسة هى مجلة كل الناس وكل الأعمار . المهنية والصدق شعارنا .ننقل الخبر من مصدره الحقيقى ونسعى دوما للتجديد من أجل القارئ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

إغلاق