مسابقة الشعر العامى

قصيدة: اطمني . مسابقة الشعر العامي بقلم / محمد الطنطاوي

الإسم/محمد محمد ابراهيم الطنطاوي

اسم الشهرة/محمد الطنطاوي

صفحتي على الفيس/mohammed tantawey

رقم الهاتف/٠١٠٦٦٧٣٢١٨٥

قصيدة عامية بعنوان اطمني

اطمني

ما انا قلتلك من قبل حتى ما تسألي

لو كنت ناوية على الرحيل

يلا ارحلي

واطمني

مش ها تعبك بالأسئلة

وازاي …وليه

ولا راح اقول ان البعاد

صعب اني يوم اقدر عليه

فبلاش تلومي على الزمن

وبلاش تصبي في الكفن دمع الملام

طرح الغرام ما بيتجنيش الا بغرام

مش فين وليه ولا كم بكم

مابيتعرفش العشق غير وقت الخصام

وقت الفراق كل الكلام بيكون حزين

بيكون سيوف تدبح قلوب العاشقين

وبقيت مناش قد الهوى

ولا قد أوجاع السنين

ولا قد أحكام الحنين اللي ف غرامك هدني

قلبي اللي كان للريح تملي بينحني

دلوقت واقف ع الحياد

ما بقيتش قادر اضحي بيه

ولا اسيبه يبقى فريسة للوم والعناد

مابقيتش أخاف م البعد لو كان الوصال هيذلني

ولا عدت اخاف لو هتسيبيني وترحلي

فاطمني…

اطمني

محمد الطنطاوي

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى