قصيدة : القصيدة .مسابقة الشعر العامي بقلم / محمد ناصر

الاسم محمد ناصر
العنوان المنصورة
رقم الموبايل الواتس 01094686151
رابط صفحتى الشخصية على الفيس بوك https://www.facebook.com/profile.php?id=100083477299407&mibextid=ZbWKwL
عنوان المشاركه شعر عامية
القصيده 
ياللى انت متيم بالأوهام
وشايف حلاوتهم اوضحلك
لو كان بيغرك شكل الناس
اسمحلى اتفلسف واشرحلك
هتشوف الكل كأنه ملاك
وكلام معسول ع المره معاك
واللى بيتمنى تعيش ف هلاك
ف الوش أصيل وبيفرحلك
.
مش وحشين خالص على فكره
ولاكن بحالات
لو عايز فعلا تبقى سعيد
اعمل مسافات
هتقرب جرب شرب السم
وتعيش العمر ف حرقة دم
هتكون اكتر انسان مهتم
بجلد الزات
.
هتقول بتعلم وانت حزين
ولا حاجة تغير فيك صدق
مانا زيك برضه بقولها سنين
ولا بعرف كل ما اقول هبدأ
بعمل وبقول الخير قدام
ولا عمرى جرحت قلوب بكلام
والناس تتغير بالأيام
وانا ثابت على نفس المبدأ

مش سهل تغير تفكيرك
تربيتك ليها عليك عامل
لو عشت تجامل كل الناس
اوعاك تستنى اللى يجامل
اتجاهل كل اللى بيإذيك
ومتتعشمش ف حد شاريك
ومتهتمش بصفات مش فيك
عمر ما هيكون إنسان كامل