ط
مسابقة الشعر العامى

قصيدة : الناس الراضية .مسابقة الشعر العامى بقلم / محمد عبد المنعم عبد الحليم

الاسم محمد عبد المنعم عبد الحليم
الحساب الرسمي على الفيس بوك
Menaem menaem

رقم التليفون 01001343146
الدولة مصر
نوع العمل شعر عامية

وباموت ف الناس الراضية
بنصيبها وبالمقسوم
تلقاها علطول متصالحة
وما بينها وبينها سلام

بالنسبة لناس كدة تانية
مش عايز اشوفها ف يوم
دول ناس اعداء للفرحة
بينهم وما بينها خصام
…………………………………………..
دول ناس عايشين بالفطرة
مش واقفين لنا ع الوحدة
وقلوبهم زى الفل

تطمن لو جه بكرة
وياهم ما الايد واحدة
اخلاصهم عمره ما قل

دول ناس بتحلى الدنيا
وبيلتمسوا الأعذار
بيخافوا كتير على بعض

وقصادهم ياما ناس تانية
قالبينها عذاب ومرار
وازاى دول بنى ادمين
عايشين ويانا ع الأرض
………………………………………….
دول ناس عايشة ف روقان
بالهم هادى ومرتاح
علشان دايما جواهم
اخلاص ومحبة وخير

احضانهم بر امان
وشموع بتقيد افراح
روحنا نلقاها وياهم
والعشق ما بنا كبير
………………………………………….
كلمات
محمد عبد المنعم عبد الحليم
القاهرة
مصر

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى