قصيدة : انفصام . مسابقة الشعر العامى بقلم / أحمد تلاوي خلف عبدالمجيد

أحمد تلاوي خلف عبدالمجيد، مصر، محافظة المنيا،
، https://www.facebook.com/ahmed.tallawy.98?mibextid=ZbWKwL
شعر عامية، اسم النص (انفصام)

– من مجهول إلى مجهول:
مع تحياتي عزيزي و السلام،
بكتب إليك؛
جوا سجن الانفصام
دمعي حاصل ضرب شطرين محفورين على قلب خام
روحي مَهْد في لَحْد شكلي
عقلي ملعون بالعلام
و السنين المُورِيات
ساقوا لـ لساني تِباعَاً مـ الألم زُمَرَاً كلام
و الليالي القارعات
عَبُّوا من دمي القلم حرَّمُوا لـ عيني المنام
و المعادلة مجتش عادلة
بَسْطَها بالصفر دَمَّر كل مجهود في المقام
و السلام السلام
قلبي قد صابه سَقَام
ضهري مصلوب عـ المعاني
و انكسر لمَّا استقام
و الوداع الوادع
قولتها لنفسي يقيناً لما دِيب جوايا جَاع
لما فقري شق صدري و الألم كان صوته ذاع
و العلم مشنوقـ به أول من قرع لـ السِلْمِ طَبل
نركن المشهد إيداع
عـ الرصيف واقف و واقف
حد تَبِّت حد باع
حد نَبِّت أرض بايرة
حد كان للحرق داع
إيد و تَبَّت لمّا سالمت
إيد بتتفنن تَقطّع كل أنفاسي تِبَاع
ع الرصيف مدبوح بإيدي
روحي خارجة بـ نَص آخره للسلام شطرين وداع