ط
الشعر والأدب

قصيدة : بتلوم على مين . للشاعر / رضا أبو الغيط

بتلوم على مين

**************

بتلوم علي مين

يا سيد الحلويين

وانت اللي شاغلني

سنين وسنين

هلاقيها منين

وللا هروح فين

من نن عينيك

وللا الخدين

أنا قلبي هواك

وليلاتي معاك

بتلوم علي مين

وإحنا العاشقين

بتلوم علي مين

يا سيد الحلوين

وانت اللي شاغلني

سنين وسنين

لو كنت هويت

يوم أو حبيت

كان قلبك دلك

يوم ع البيت

د انا يا ما جريت

كده بالمشاوير

وساعات م الفرحة

كنت بطير

لو يوم بيقوله

انك جيت

أو مرة لمحت

عنيك لتنين

بتلوم علي مين

يا سيد الحلويين

وإنت اللي شاغلني

سنين وسنين

عامل زعلان

وانت التقلان

ومبكي القلب

بقاله زمان

علي ايه حيران

وانت الغلطان

وسايبني وحيد

ف الليل سهران

شهدت نجوم

السما والليل

ومعايا دليل

من دمع العين

بتلوم علي مين

يا سيد الحلوين

وانت اللي شاغلني

سنين وسنين

لو يوم هاتلوم

وتشيل ف هموم

اسأل كان مين

فينا االمظلوم

مين بات الليل

مع قمر الليل

سهران حيران

بيعد نجوم

مين كان بيحايل

نن عينيك

ويبوس ف ايدين

سيد الحلوين

بتلوم علي مين

يا سيد الحلويين

وانت اللي شاغلني

سنين وسنين

*******************

رضا أبو الغيط

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
زر الذهاب إلى الأعلى