مش بافتقدك ..
حياتى .. ما وقفاش عليك ..
مش غسلة .. مش أكلة .. مش مشية مكوة ..
تخلينى أفتكرك ..
مش بافتقدك ..
الطفل اللى خلفناه .. خليه معاك .. يرزقنى الأحسن ..
مش بنت .. مش ولد .. مش قعدة هوى ..
تخلينى أفتكرك ..
مش بافتقدك ..
أنا مش بافكر فيك ..
مش نومة .. مش لمسة يد .. مش بوس الشفايف .. مش لمس الخد ..
تخلينى أفتكرك ..
مش بافتقدك ..
لكن ..
ممكن افتقد حكمة .. طلعت مرة .. من فمك ..
جايز ..
مرة .. قلت .. نكتة ..
لكن ..
شغلك .. ما كنش همى .. ولا فلوسك .. تسعدنى .. ولا كنت .. منتظر .. مساعدة منك
أنا
كنت أحب .. الوداد منك .. الحنية .. لو ظهرت .. لما تراعى .. الولاد .. أو تقولى .. كلمة حلوة .. ف حق أهلى ..
لكن ..
كل الوداد .. ضاع .. كل الحنية ..
كنت عاوزة .. الفخر .. حق التربية .. مش الرضا .. من رب البرية ..
كل اللى كان .. راح ..
أنا ..
تركت كل شىء .. لرب الناس .. الله ..
أنا ..
حياتى .. ما وقفاش .. عليك .. مش بافتقدك ..
خلصت .
– تمت –
فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون
