” بِنِّيَه في الغِيََه “
ياللي غاويت الحمام
هات للحمام غِيَّه
إملى المساقي و ابْدُر غِلال
و خلِّي القصد بالنِيَّه
إطلع و طَيَّر ف التماسي الحمام
، صَفَّرْ و شاوِر و غَنْيِّلُه أُغنيه
لَفْ الحمام ف السما لَفَّه حريريه
دَخَلِت معاه ف السرب حمامه
بيضه في ديلها ريشه بُنِّيَه
حَطْ الحمام ع الغيه دَخَلِت
معاه بالرضا و بكل حِنِّيَه
طَلَبِت تعيش في الحلال
إبنيلها يا صاحبي ف الغِيَّه بِنِّيَه
جوز الحمام فردين
بالحُب بالوِد صار الحمام مِيَّه
إسعد يا طير بالحياه
إتهنى و عيش عيشه وَرْدِّيَه .
….. طلعت العسيلي
Facebook Comments Box
