ط
الشعر والأدب

قصيدة : توت . للشاعر / نصر هاشم

توت

….

توت

بيفوت

ع البيوت

تنده

وباعلى صوت

يا ملائكة ربنا

ياسكة لقانا

.واحنا هنا

ف نفس الطريق .

ياضلة اللى يسوق

الحلم أو يشبه

تراب الأرض

اللى يحافظ

على الفرض

انتى وانا من بين

ملائكة ربنا

طول السنه

من غنوه لل تانيه

يعدى الحلم لو ثانيه

مخبطيش

أشبه ليالى الطيش

وارسم على عتابك

وان دق بابك

اسمع غناوى العيال

وهيه بت دندن

طول عمرى متسلطن

مليش … ف الهرى

والتوهان

وف اى سكه إبان

مش هيه دى طبع

البشر …

ولا أنا ال خيبان

ف محرابك

الحلم تاه

بقالو سنين

على بابك

محلك سر

العمر … مر

وراح …

شيل الهموم

طراح …

وكان منايا . المحك

حتى مع التائهين

ياسكة ال جايين

من بعيد … للعيد

لسه الوريد

فيه ضمه ولما

غنوتك … تطلع

أنا ابقى استنى

نفس البشر والتوت

نفس البيوت

وهيه مديه ضهرها

وانا بدفع مهرها

للريح …

….

نصر هاشم

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange