قصيدة : حبك قدر . مسابقة الشعر العامي بقلم / حلمي قاسم

مسابقة مهرجان همسه الدولي للٱداب والفنون
فرع شعر العامية
إسم المتسابق /حلمي قاسم علي
جمهورية مصر العربية
محافظة قنا
قصيدة بعنوان/ حبك قدر

” حبك قدر”
*******
عاشق تراب البلد دى

والعشق ما بيدى

وعد وعلىَ انكتب

و ورث عن جدى

بهواها غصب ورضا

وبحبها مجبور

سكنانى أرض وفضا

وزقزقة عصفور

من طميها لونى

وعيــــــونى من ليلها

معلمانى القــــــول

وبغنى مــــــواويلها

وسط الحوارى بعيش

مع وجعى وهمومى

حتــــــى وانا معييش

راضى بمقســــومى

ما حبها قدرى

وحكم القدر ماشى

نيشان على صدرى

وتاج على راسى

وعشان أسير حبها

على ” لأ ” مانيش قادر

مهمـــــا حكم قلبها

بلاقينى اقول حاضر

وبرضه مـــــابيديش

ولا ليا أى خيار

و هَتنــــــى فيها بعيش

لو حتى وسط النار
*******
قلم/ حلمى قاسم