مسابقة الشعر العامى

قصيدة : حظك كده . مسابقة الشعر العامي بقلم / محمد على حسن عبد النبي

محمد علي حسن عبد النبي
اسم الشهرة : محمد علي
رقم التليفون والواتس :
01122934802
01555292285
رابط الصفحة ع الفيس :
https://www.facebook.com/profile.php?id=100009006207677

قصيدة حظك كده
شعر عامي

حظك كده
كل اما تهرب م الوجع
تلقى القَدَر
عمال يغَيَّر في الأماكن والصور
تشرب ملوحة بحر ناسك
والعَجَب
من غير سبب
تلقى ناسك دول نَوَر
خُدلك شَوَر
وامسح في راسك
كل واحد م الغَجَر
حظك كده
تِسلَم من الطيب
ما تعيش
تعيش مع الأفلام
تطيش
خرابيش
كل الحوافر م البشر
حوالين همومك دول حَجَر
بارد يا بحر ملوش قرار
شطك بيحدف ليه مرار
وكإن فيه بينك وبينه
ألف جرح وألف تار
عينِك يا شارية ماليها حُزن
والحزن يمكن يبقى سجن
وكمان ما يمكن يبقى حضن
من كَسر حبة من البشر
سُكر يا ضحكة خدها
نغزتها هِربِت مِنَّها
ترسم خطوطها وقلبها
م اللحن دندن لَك وَتَر
حظك كده
تفرح تدوق طعم الجراح
تحزن يزيد الحزن ويل
تجرح ما تلقى ف يوم سماح
عايش حياتك حدف ليل
مالَك يا قلبي سكِت ليه
واقف وعايز تلقى حُب
مجروح وعايش دور وجع
عبدك يارب ساجد رَكَع
إرحم في جرحه ابعتله قلب

فتحى الحصرى

فتحى الحصرى .كاتب ومصور وصحفى عمل لأكثر من ربع قرن بالمجلات اللبنانية الشبكة وألوان ونادين . صاحب دار همسة للنشر والتوزيع .وصاحب موقع مجلة همسة ورئيس ومؤسس مهرجان همسة للآداب والفنون

مقالات ذات صلة

‫2 تعليقات

  1. الاسم : داليا علي سيد حسن
    اسم الشهرة: داليا علي
    البلد : مصر
    رقم الواتس: 01013580086
    مقدم لمسابقة شعر العامية قصيدة بعنوان: عروسة البحر

    عروسة البحر
    سألت أمي عروسة البحر حقيقة والا خيال؟
    قالت لي شيء غريب.. إلحاحك في السؤال!
    عروسة البحر قصة خيالية سمعناها وإحنا عيال
    لو شوفتها من فوق تقول واحدة شديدة الجمال
    وإن دققت النظر ..تلاقيها سمكة ملهاش مثال
    إزاي خيال ولاقوها جثة واقعة على الرمال؟
    كان ليها شعر وليها أسنان وليها إيدين طوال
    قولي كلام غير ده عروسة البحر حقيقة مش خيال
    أنا شوفتها بعيني قاعدة على جزيرة وسط البحار
    لوكنت أملك سفينة كنت بحثت عنها ليل ونهار
    ولو سعيد الحظ ولقيتها أبنى لها بيت من المحار
    وأعيش معاها قصة جميلة في عالم البحار
    وأنا اللي هأكتب عنها أخبارها وأدق الأسرار
    عشان كل الناس يعرفوا إنها بجد مش هزار
    قالت لي أمي كفاية هو انت عقلك طار ؟
    روح نام وراك الصبح أشغال وأعمال كثار
    ولما نمت شوفت عروسة البحر بتقولي يا مجنون
    ياللى بتسأل عنى وأنا جنبك فى بحيرة قارون
    وقمت من نومى ورحت هناك وأنا ممنون
    لقيت عروسة البحر واقفة وكانت عينيها عيون
    قلت خسارة الجمال ده يكون في البحر ليه مدفون؟؟
    حدفت لي لؤلؤة وقالت لي أوعي عليك تهون
    خليها للذكرى وبص فيها لما تكون محزون
    تتبدد الأحزان ولا يكون عندك في يوم شجون
    ودلوقتي امشى قوام قبل النهار ما يكون
    وكفاية إنك عرفت إني حقيقه في الكون

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى