ط
الشعر والأدب

قصيدة : راكب حصان الذكريات .. للشاعر / رضا أبو الغيط

راكب حصان الذكريات

ف طريق ملان حزن وألم

وف حضني تل الكراسات

وديوان يتيم شِعره انظلم

داير بادور ع اللي راح

وسط الجراح وأهات ندم

وباقول ياريت يبقالي بيت

فوق كتفه شايل 100 علم

بيرفرفوا

على أرض ناسها بتشتهي

تلقى الحياة من غير لغم

تلقى الأمان وايام زمان

لحن ونغم

ولكني شايف ف المدى

خيل العدا

وعليه جنود زي البارود

وبيهتفوا

يحيا الصنم – يحيا الصنم

قلت لحصاني اتعدل

وبلاش تفكر ف اللي فات

واركب طريق بكرة اللي جاى

خلف الشجر

واحلم تطول طرف السحاب

واحلم تشوف ضي القمر

لا الذكريات

هتكون ف يوم شمس النهار

ولا حتى صمتك ع الدمار

هيعيد تاريخي اللي انهدم

انهض وقوم

وبلاش تسلم للهموم طرف اللجام

لا الهم يقدر يرفعك فوق اللئام

ولا حتى دمعك ع اللي مات

هيعيد حياة اللي انعدم

*********************

رضا أبو الغيط

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange