شطبت علي ليه يامدير
جي تقوللي الذنب كبير
هى دقيقه و غصب عني
مش محتاج مني التبرير
شطبت علي ليه يامدير
هوا التوكتوك كنت بحاسبه
عاوز صفر وواحد جنبه
اسمع مني وريح بالك
عدي أمورك بالتيسير
شطبت علي ليه يامدير
من قبل الشمس تلقاني قوام
بكل حضور الهِمَّه تمام
ابقى راعينا داحنا اخواتك
ايدنا بايدك للتغيير
شطبت علي ليه يامدير
اهدى شويه علينا وخفف
داحنا زمايل ليه تتعسف
خليت يومي له تضاريس
ضيعت العارضة والتأخير
شطّبت علي ليه يامدير
طالع نازل تحرق جاز
ياريت تساعدنا عل الإنجاز
مش بالخوف ولا بالتخويف
أصلا شغلي طالعله ضمير
شطبت علي ليه يامدير
كل يومين تعملك محضر
والدفتر له قلمين احمر
واحد حبر والتاني سري
يبقى ازاي حتحصد خير
شطبت علي ليه يامدير
غِبْت سِيتك وتقول تأمين
ولكل فعل عاوزنا “آمين”
تمشي وتحضر بمزاجك
وظروفك تبقى علينا مصير
شطبت علي ليه يامدير
