الشعر والأدب

قصيدة :عالم مجنون . للشاعر / رضا ابو الغيط

عالم مجنون

**********

خططوا خفافيش الكون بالليل

يسرقوا أنوار كل القناديل

ويسيبوا الخلق تعوم ف بحور

أمواجها من الأحزان والويل

خططوا ما ندوق م الدنيا الخير

ونعيش ف جحور وف قعر البير

وان قولنا ف يوم عاوزين تغير

يضحكوا ويقولوا بلاش تهويل

الأكل كتير…….. والشرب كتير

والخير بينادي الناس والطير

والحال اهو عال والدنيا بخير

والنملة بقت.. أضخم م الفيل

بعتوا الصواريخ تمحي التواريخ

والنووي يعلم ع المريخ

لا هامهم طفل ف مهده يشيخ

ولا حتى ضرير عكازه عليل

واحنا المسكين …. بنقول لله

والعقل ف بحر الضلمة اهو تاه

مش قادرين حتى نقول الآه

والشيلة تقيلة…….. تهد الحيل

امتى الخفافيش من بيتنا تغور

ويعود من تاني لةابيتنا النور

ونشوف الدنيا ورود وزهور

وسمانا بتحضن …. بدر الليل

*************************

رضا أبو الغيط

فتحى الحصرى

فتحى الحصرى .كاتب ومصور وصحفى عمل لأكثر من ربع قرن بالمجلات اللبنانية الشبكة وألوان ونادين . صاحب دار همسة للنشر والتوزيع .وصاحب موقع مجلة همسة ورئيس ومؤسس مهرجان همسة للآداب والفنون

مقالات ذات صلة

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى
Secured By miniOrange