ط
مسابقة الشعر العامى

قصيدة : غنوه اتكسر لحنها . مسابقة الشعر العامي بقلم / عمر فرحات إبراهيم حسين

الاسم: عمر فرحات إبراهيم حسين
اسم الشهره: عمر فرحات
رقم الهاتف: 01093287333
الصفحه على الفيس بوك: عمر فرحات
اللينك: https://www.facebook.com/omar.huessin.3
المجال المشارك فيه: قصيدة العاميه
اسم العمل: غنوه اتكسر لحنها

لقيتك بس متأخر
لقيت الحب ولاقيتني
يا ريتني لقيت هواك بدري
يا بكره الحلو أنا عايشه
في ظل الحزن في امبارح
يا شايل ورد ومحبه
وقايل كل شيء بعنيك
لغات الحب ليه شبهك
وليه شعر الهوى شبهك
كتبتك شعر مش شبهي
بيتبسم وبيغنيك
هبرر حبي ليك بيا
بإني غزاله بريه
رمت بإديها في الخيه
ربطها الأهل صايدينها
وفك الحبل ده حبك
بنظرة حب ليك عَزَفِت
أغاني الحب في عيونها
أنا محتاجه ليك أكتر
من الطير للسما والعش
ومحتاجه لعنيك أكتر
من الدمع بفرح لما
يشوف العيد عيون عيل
يتيم الضحك غاب عنه
بضحكة روحه ماليه الوش
أنا معذوره بتلغبط
يا ريت معلش تعذرني
لأول مره أقول هكتب
وقلبي وروحي يتهزوا
وحبر بلاغتي يكسفني
مفيش ولا صوره تنصفني
في وصف عيوني قدامك
كلامك عيد وزيد ليا
أنا مجنونه بيك يمكن
أنا والله ما بعاندك
لكني بجد مش قادره
بحاول بس صوت قلبي
بيتردد كتير جوه
وبره سكوتي كان هو
رسول الحب بيبلَّغ
فهل وصلك كلام صمتي
وهل شوفت اللوح باينه
في نني عيوني ليك بتقول
وهل رعشة حروف كفي
بانتلك في إنت عامل إيه
وهل شوفت إبتسام قلبي
وشوفت بحبَك النايمه
في راء جملة صباح الخير
وشوفت بوساتي في سلامتك
وحضني في كل طمني
بقولهالك وبستنى
تحط الحضن جوه كلام.
سلام أو باي خلاص همشي
ده كذبي في كل يوم لما
بقولهم بس أنا قلبي
بيترجاني أقول كمل
لآخر دقه فيه يا اللي
غرامك دق فيا حياه
وحشت الروح وأنا جنبك
مابالك لو تروح حبه
بروح في رسايلك أتخبى
وقلبي في كل باء يشبك
بواقي بحبِك الناقصه
من الكلمه اللي ليا معاك
فياه لو كنت جيت بدري
وكنت يا حلو يوم ليا
أنا والله مش هحلم
ولا هتمنى من ربي
سواك إن كان ده من حقي
أنا المكسوره في عيونهم
وأنا المجبوره بيك خدني
ولو في الحلم و اوعدني
بإن الضحكه والكلمه
وشعر الحب ده ينفع
يصوغ حلو الهوى فيا
أنا دافعه الدموع ديه
وأفراحي اللي منسيه
بتتحول إذا رجعت
بوادر حب بس كئيب
أنا غنوه اتكسر لحني
عشان غناني حد غريب
هموت من وحدتي ولا
هيفتح قلبه ليا حبيب

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange