______ غني يا طير ______
غني يا طير قول ألحانك
و أرقص وحيد علي أنغامك
لا حبيب ح يسمع يوم أغانيك
ولا قلب هيحس ألامك
غني يا طير غنوة حبك
إشكي حبيبك لزمانك
بعد الأمان أهو فات عشك
و طار و سابك مع جرحك
كسر جناحك ما سأل فيك
ولا حتي مره سأل عنك
غني يا طير قول موالك
و إرجع لوحدك زي زمان
إنسي الوجع إنسي جراحك
فكر في عزفك للألحان
و إجمع من الأفراح ريشك
رجع جناحك زي ما كان
غني يا طير و أحضن غصنك
و إنسي إللي فات من أوهامك
صنعت م الأوهام سجنك
و فرشته أحلام بأمالك
و إللي وهبته أمان حبك
أهو خان عهدك
و هان عليه أيام ودك
غني يا طير إهزم حزنك
إهزم بنغمك سجانك
يلا يا طير داوي جناحك
يلا يا طير إنسي إمبارح
فكر في بكره و عيش يومك
و طير سعيد مع أنغامك
…………………….
Facebook Comments Box
