مسابقة الشعر العامى

قصيدة : فاكر لمه . مسابقة الشعر العامي بقلم / ماجدة البهيدى

خاص بمسابقة مهرجان همسة الدولي للأدب والفنون الدورة العاشرة 2022

الاسم : ماجدة حسني عطية مصطفى البهيدي

اسم الشهرة ماجدة البهيدي

الدولة / جمهورية مصر العربية

رقم الفون والواتس

01122254717

لاينك الصفحة الشخصية

https://www.facebook.com/profile.php?id=100030617560845

المشاركة شعر عامي قصيدة غنائية

فاكر لمه

=======

كنت يوم محتاج لضمة

لرسالة مني ولا رنة

كل ثانية تفوت عليك

في بعادي الدنيا صعبة

كنت جمبك بين ايديك

قلبي كان بيخاف عليك

كنت ليا الكون بحاله

وكنت انا اللي بحتويك

قلبي كان لك بيت ولمة

كنت نورك وسط ضلمة

كنت ليك نبع الحنان

وانت كنت ليا جنة

كنت تيجي تبوس ايديا

كات عينيك تعشق عينيا

وكل يوم بينا حكايات

وكنا ننسى الدنيا ديا

انت فاكر لما جتني

كان مكانك هو حضني

قلبي ده بيدق ليك

لف ايدك مني خدني

لما تتعب انا تناديني

لما تحتاجني تلاقيني

يرد قلبي يقول تعال

انت روحي ونن عيني

كان زمان هتموت عشاني

كنت تمشي وتيجي تاني

تقولي والله ماتاني هبعد

ولا تبعدي عني لثواني

عدا يوم وفاتت ساعات

روحت ومشيت من سكات

ظلمت ليه قلبي اللي حبك

والله ده من الصدمة مات

سنين تفوت والعمر يجري

كل شيء ودعني بدري

حتى نبضى راح وراك

على البعاد الله يعني

نفسي اعرف بس ليه

قلبي لسه روحه فيه

بعدي بالنسبة له عادي

ولا مرة هان عليه

هو فين حبه الكبير

كان وعد بحاجات كتير

انه يوم ماراح يسبني

وإن قلبه لي اسير

كتر الله الف خيرك

ياللي قلبي ماحب غيرك

كنت باوهب لك حياتي

بكره برضه جاي دورك

راح تجرب ناري ديا

بعدي هتدوق من القاسية

هو ده طبع الحياة

يوم عليك ويوم عليا

يلا روح بعدي وجرب

اي واحده منها قرب

شوف بقى هينوبك ايه

بكره تاني تروح وتهرب

بقلمي ماجدة البهيدي

فتحى الحصرى

فتحى الحصرى .كاتب ومصور وصحفى عمل لأكثر من ربع قرن بالمجلات اللبنانية الشبكة وألوان ونادين . صاحب دار همسة للنشر والتوزيع .وصاحب موقع مجلة همسة ورئيس ومؤسس مهرجان همسة للآداب والفنون

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى