إسلام سعد يوسف
جمهورية مصر العربية
نوع المشاركة: مسابقة شعر العامية
عنوان النص: ملوش لازمة
رقم الموبايل: 01030768784
لينك صفحة الفيسبوك:
– ملوش لازمة –
في همس الليل خيوط ذكرى
رياح أشواق و ١٠٠ فكرة
و حبل بيوّصِل الأفكار
و قلب بيهوى ضح الدم
و عقل يموت من التفكير
لَكنْ صاحبه مهوش مهتم
نجوم متخيطة جواه
و نور و بريق و بلة ريق .. من الأفكار
و حلم كبير و لا بينساه
خيال عيل في ورق الليل
و بيخطط يمّشي الدنيا على كيفه
يفكر .. فين نظام الفرح في الدنيا و تعريفه
فيتأخر و لا يلقى مقاصد فكرته الأولى
مشيت و الوجهة مجهولة
و بيفكر بيبان العقل مقفولة
و مش قابلة تقول تعريف
و لا قادرة على التزييف
فبص بعين من التركيز
لضوء مصباح في لمبة جاز
و حس إنه شبه قلبه محاوطه قزاز
و ميت مليون .. شرارة مولعة في صاحبه
يوماتي ينور الأركان
بدون ما بيشكروه حتى
و يحرق نفسه ويا الجاز
لجل يخّرَج الأنوار
و بيجاهد و في الآخر
مكانه في ركن ع المسمار
بدون عازة و لا لازمة
و لو يوم ضاع مهيش أزمة
نجِيب غيره
لكن في الموقف إتأمل
و قال إزاي أكون شُعلة تُنير للغير
و بحرق نفسي لأجل الخير
و أكون دخان
و في الآخر سابوني أطير
و لا حاوطني حتى بكيس
و لا حطوا على الأبواب
جموع ترابيس
خوفًا من خروجي هناك
و لا قّفلوا الشباك
و طيرت بعيد
تراب ذري
و متعري
لباقي الكون
و متخّلط بغاز هليوم
نتيجة تضحيات بالكوم
لكن على قلبي حق اللوم
بإني آمنت للعالم
و كنت النور أو الشُعلة
دي كات غفلة
غمامة و عيني كات قافلة
فنزل عينيه م المصباح
و قال لسريره كام نكتة
و قال لمخدته مالك كدا ساكتة
يعز عليا و الله أكون متساب
بعد ما كات بيبان قلبي
بدون بواب
غريبة الدنيا دي جدًا في وقت الليل !!!
سما صافية، قمر كامل
و أحيانًا بيجي هلال
أغاني كتير و ١٠٠ موال
و ليل إسود جماله يشد من بره
نجوم حُرة
علوم و ثقافة و سياسة
و رغم جموع ما بين صفحات كتاب الكون
و رغم تعدد الثقافات
هنا و هناك ك ١٠٠ مليون
ما زال الكره بين سائر قلوب الناس
هنا إرهاب هناك قَتلىَ
علاقة الناس بباقي الكون
كمثل قماشة بالفتلة
و إيه تفرق نقطة ماية وسط الموج
و إيه يفرق فرد حمام يضيع .. عن بقية الفوج
ملوش لازمة .. ملوش لازمة
