الشعر والأدب

قصيدة : نفسي . للشاعر / عادل عوف

أنا نفسي في لحظه اتغير
من معنى صريح لمجاز
و أتحول من شئ حسي
لـ بخار في الجو و غاز
من باب
شباك
مسموح لي
او شرخ قديم في إزاز
ادخل من بره لبيتنا
من غير ماتحسوا بحاجه
و أتفرج علي لمتنا
من فوق سقف التلاجه
وأسمع حكاياتكم عني
مين شاف في غيابي إشاره
وأضحك علي خوفي و أغني
و أشرب قدامكوا سيجاره
أنا نفسي في لحظه أتغير
أول ما احب أتغير
من صُلب أتحول سائل
دائما مشغول بمسائل
ماكنتش في يوم تشغلني
أنا نفسي في لحظه اتغير
لو حتي نبات و أتخير
ـ نعناع علي سور بلكونه
ـ ورد إستقبال في الجونه
ـ شجرة عصافير مجنونه
مدا فروعها من الشيش
أنا نفسي في لحظه اتغير
اول ما احب اتغير
في ثواني لكن بشويش

بقلم .. عادل عوف
#عفويات

Facebook Notice for EU! You need to login to view and post FB Comments!

فتحى الحصرى

فتحى الحصرى .كاتب ومصور وصحفى عمل لأكثر من ربع قرن بالمجلات اللبنانية الشبكة وألوان ونادين . صاحب دار همسة للنشر والتوزيع .وصاحب موقع مجلة همسة ورئيس ومؤسس مهرجان همسة للآداب والفنون

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى