ط
مسابقة الشعر العامى

قصيدة : هجننك . مسابقة الشعر العامي بقلم / حسن حفني

للمشاركة في مهرجان همسة الدولي للآداب والفنون . دورة الفنان عبدالرحمن ابوزهرة . فرع الشعر العامية
قصيدة عامية بعنون هجننك (( غزل))
الأسم الحسن علي محمد حفني
الشهرة /حسن حفني
اسوان/ كوم امبو

حسن حفني
مصر اسوان كوم امبو
01157214316
فون و واتس

……..
هجننك
………..
وحلفت إني هجننك
وراح اسرقك
مش غصب عنك..
بالرضا
أو حتى لو هيكون قضا
أقسمت اني
لأروشك
هعمل لي في دماغك
مبيت
واتخبى فيها واسكنك.
وأحتل فكرك
من شعور الحس
حد آخر وجود
واسبح تمللي جوه حبل
الذاكره
وارسم خيالي
جوه طيفك والرموش
ولا يقدر النني يحوش
و تلاقي صورتي
عامله ورشه
هتهبلك.
تلاقيني بسرح
من عيونك للودان
صوتي بينده جوه صدرك
بالحنان
وكإنه مشهد مأذنه
يعمل تردد
ألف مية مليون
أذان
وتلاقي سحر النبض
يسرق بسمتك
لو يوم يدوب منك حنيني
فوق شفايفك
غصب عنك
روحي حينها
هتسكنك
هتلاقيني بوست همسك
وأشرب الشهد
اللي سال
من وريدك من عيونك
من دفاكي… م المحال
هلمس السحر المطلسم
جوه صدرك من زمن
واقرأ كل اللي حفظتة
وادخلك من غير تمن
وارجع لحضنك
زي عيل
يرضع الشوق والدفا
وف ساعتها من لسانك
هسحب البلسم
شفا
واما اتعب لحظه
هلمس شهوتك
هتلاقيني مرهمك
وهكون دوا
وهكون علاج للآهه
يوم ما هتتعبك
واسقيكي من كأس
الهوى
واسحبني منك
وتلاقيني غصب عني
هجننك
…………….
حسن حفني

admin

فتحى الحصرى كاتب صحفى عمل بالعديد من المجلات الفنية العربية . الشبكة .ألوان . نادين . وصاحب مجلة همسة وناشر صاحب دار همسة للنشر ورئيس مهرجان همسة للآداب والفنون

مقالات ذات صلة

زر الذهاب إلى الأعلى
Secured By miniOrange