قصيدة : ياغربة . مسابقة الشعر العامي بقلم / ابتهال الشربينى

الاسم : ابتهال احمد محمد الشربينى
البلد : مصر
اسم الشهرة : ابتهال الشربينى
المجال : شعر العامية
رقم التليفون:01092135811
رابط الفيس بوك :
https://www.facebook.com/ymhl.wlayhml?mibextid=ZbWKwL

قصيدة : ياغربة

يا غربة فى غروبك
تطرح حكاوى المر
والكل فى دروبك
مش لاقى مطرح بر

ياغربة حكاويك
أصعب جواب فيك
وسؤال بيكويك
مش عارفة خير من شر

ياغربة قلبى جريح
عكس اتجاه الريح
ظمان من التفاريح
نفسه لقلبه يسر

صوت الحنين صحانى
ينده بأسمى معانى
عشقاك يا أوطانى
فى البعد دمعى يشر

أحلامى جت خنقتنى
وخطواتى سبقتنى
ورجعت فجأة وقلت
ياريتنى و ياريتنى

بلدى الحبيبة ترابك
غالى كما الألماس
انت العزيزة الغالية
أنشودة فى الاحساس

يا مصر حلمى أخطو خطاك
يابلدى فرحى نولى لرضاك
وأعيش حياتى فدا لفداك
بشهامة ولادك فى الوطن الحر