قصيدة : يوم ميلاد النبي .. مسابقة الشعر العامي بقلم / مازن جميل محمد

في يوم ميلاد النبي

مدحته مدح أحباب

و برغم كوني صبي

فاتحلي مليون باب

مدحته و استرويت

بقصيدة عامية

كتبت ما استكفيت

ده حبه عاد غية

وكتبت شعري مدد

على بابك يا سيدنا

و تكون معايا سند

ذكرك يكون عيدنا

يا جد آل البيت

يا شفيعنا دنيا و دين

لنورك أنا حنيت

على سنتك عايشين

و صبحت أنا مداح

و أحب أمدح فيك

النهج نور و صلاح

و الرحمة طرح ايديك

لجنابك الطاهر

أمدح و أقول مواويل

و في نورك الساحر

بسهر بطول الليل

القلب دار سواح

مرتاح و أنا وياك

ذكرك ده كان مفتاح

و الطهر كان نجواك

مع نورك الظاهر

بسرح و أعيش أيام

مدحك ده نور باهر

أفضل صلاة و سلام